كولو جديد وحصرى فى منتدانا الاصلى
اهلا يا واد / بنت يا عثول/ه منور المنتدا
لو تحب تكون اخ ليا وعضو معانا
اتفضل سجل ها معانا ف المنتدا

كولو جديد وحصرى فى منتدانا الاصلى

MIMO EL3ASHRY
 
الرئيسيةالتسجيلدخول
أرحب بجميع أعضاء♥♥ وأصدقاء♥♥ المنتدى الكرام ♥♥وأتنمى ان نعيش معكم لحظات سعيدة ♥♥فيها الود ♥♥والاحترام♥♥ مدير المنتدى /محــــ حســـ العشــ ♥♥♥♥♥♥ ـــرى ــــام ــــمـــد

شاطر | 
 

 أصلها بتفرق وقصة فراق قديمة وحدوتة عشق جديدة

اذهب الى الأسفل 
كاتب الموضوعرسالة
MIMO EL3AS7RY
Admin
Admin
avatar

عدد المساهمات : 147

نقاط : 29343
العمر : 26
الموقع : جمهوريه العشرى
ذكر

مُساهمةموضوع: أصلها بتفرق وقصة فراق قديمة وحدوتة عشق جديدة   الإثنين يوليو 19, 2010 1:37 pm

[ندعوك للتسجيل في المنتدى أو التعريف بنفسك لمعاينة هذا الرابط]




السلام عليكم

أول حاجة ببارك للهضبة وللديابين على الأغنية التحفة أصلها بتفرق

تاني حاجة أنا مش من هواة التحليل والحاجات دي ولا أنا شاعر ولا موزع ولا ملحن ولا عمري كتبت عن أغنية توبيك أو كلام كتير كده بس حسيت بمعنى ورا كلام الأغنية وحدوته كده
حبيت أشارك معاكم بيها وتشاركوني رأيكم


أصلها بتفرق واقتناع كامل بالمحبوبة الجديدة بعد فراقه للمحبوبته الأولى

ده اللي حسيته في الأغنية من كلامها ..إنها بتتكلم عن واحد كان بيحب واحده وحصل حاجة بينهم افترقوا وهو حب واحدة جديدة علشان ينسى حبه القديم فقط بدون حب وكان قدره اللي كاتبله كده انهم يكونوا لبعض وبعد كده اقتنع بيها وهو سلّم بكده مع انه مكنش بيحبها

وكانت لمجرد إنه ينسى واحده وفي الآخر حصل انه شاف انه قدر ينسى حبيبه القديمة بحبه لمحبوبته اللي فعلا هي اللي متتنسيش وفيه فرق بينها وبين التانية اللي قدر ينسها
بواحده تانية

نبتدي بالأغنية وياريت تسمعوها تاني لأن صوت عمرو أصلا وطريقة غناه لكل كوبليه ونبرة صوته والمزيكا اللي بتكون موجوده واللحن كل ده بيخدم المعنى اللي بقول عليه من فرحة بتبان في الصوت للحظات عشق ولحظات شوق


قدرنى اختارلى اكون ليها ... وانا سلمت وقلبى اختار



بييجي صوت عمرو هنا هادي أوي كده في دخلة الأغنية وبصوت فعلا زي ما يكون واحد
مستسلم للقدر وخلاص راضي بيه
فبعد فراق بين العاشق ومحبوبته وتعلقه بأخرى فبيفكر في حبيبته الجديدة وسرحان فيها
وبيقول لنفسه قدرني هو اللي اختارني ليها ..يمكن أنا ماحبتهاش من الأول بس في الآخر أنا

سلمت وقلبي اختارها بعد اختيار القدر اننا نكون لبعض
............



شوفت الجنه فى عينيها ... ازاى اسيبها واعيش فى النار



بعد ما شفتها وقلبي اختارها وحببيتها ازاي اسيبها وأسيب الجنه اللي بشوفها وبعيش فيها
وأنا معاها وأروح وأرجع للنار وهي نار الفراق للمحبوبة القديم وبيقول للناااار مع مدّ الألف
علشان يبنين انه كان عايش في نار هي قدرت تاخده منها
........


أصلها بتفرق فى حياتك واحده
من اول ما تعيش وياياها تلاقها معاك ملهاش بديل


بييجي بقى اللحن هنا وصوت عمرو بيتغير والتوزيع والرتم بيعلى علشان عمرو يقول الكلمة
اللي مستنيينها "أصلها بتفرق" وصوته بتحس فيه بفرحه وبكده بيعلنها صريحة إن هناك
مقارنه بين اتنين .فيه فرق فعلا وبتفرق فعلا لما تحب واحدة ومن أول ماتعيش معاها الحب
تعرف علطول وتلاقي إن ملهاش بديل وهنا كمان فيه مدّ في حرف الياء علشان يأكد انها
ملهاش بديل وده تلميح ان حبيبته القديمة ليها بديل بس دي مش ممكن يكون ليها بديل لأنه شاف ده وحسّه من أول ما حبها وشاف فيها ملامح الحب الحقيقي






اصلها بتفرق وانا عاشق واحده
وبحب ودايب فى هواها وعيونها فى ليل الغربه دليل



وطبعا هتكون معانا أصلها بتفرق طول الأغنية علشان يقوللنا الفرق بين محبوبته القديمة
والجديدة وبيقول ..إنها بتفرق لأنه عاشق محبوبته الحالية وهو ده فعلا العشق الحقيقى اللي
حسه معاها والحب اللي فات كان مجرد أوهام..حبيبته الحالية بيحبها ودايب فيها هي اللي
معاه في كل مكان وعيونها زي البوصلة اللي بتكون مع البحار في البحر علشان يعرف طريقه وبتكون عيونها معاه في باله في كل مكان وبالتحديد في الغربة
اللي بيكون الإنسان فيها تايه وحيد محتاج اللي يرشده وكانت عينها دليل ليه ..هنا هي
استعارة عن إن عيونها والحب اللي بيشوفه في عنيها بيكون هو المساعد الوحيد ليه في
غربته
............



اصلها بتفرق فى الشوق والوِحده
فى حياتى وهى هنا معايا الدنيا بحالها ما بتسعنيش



ياسلام بقى عليها لما الحكاية تتعلق بالشوق أو الوحده ولما تلاقي نفسك وحيد ومفيش حد
حواليك حتى لو الناس كلها بعدت عنك وسابتك وحيد بتكون هي معاه بيحش ان الدنيا كلها
مكان ضيق ومفيش غربة خالص ولا وحدة وكأنه حياته اتملت بعد الفراغ والوحده اللي كان
عايش فيها ده كله نها معاه مش لازم بجسدها وكينها ولكن بقلبها
............



اصلها بتفرق وانا روحى فى واحده
و بفكر ليل ونهار فيها والشوق بيزيد ما بيتنهيش




غزل في محبوبته مع طبعا كلمة أصلها بتفرق..الدنيا بتفرق والحياه بتفرق ومعن الحب اللي بيحسه بفرق عن أي حب تاني هو عنده حبيبته
اللي روحه فيها وبيحبها بدرجة جنونية ومش قادر يتوقف عن التفكير فيها ليل ونهار لأنها
شاغله حياته كلها وبيشتاقلها وشوقه بيزيد مش بينتهي
............



حبها فى قلبى ودى اجمل واحده
ملقتش جمالها فى ولا واحده والله ملهاش بديل



بيقول هنا لنفسه تاني وبيأكد إنه بيحبها وحبها في قلبه وانها مبقتش تجربه بيحاول ينسى
بيها ماضيه القديم وجمالها ده ماشافوش في أي واحدة تانية وهنا يقصد بيها حبيبته القديمة
وهنا بقى بيقول لفظ الجلالة القسم علشان يأكد ان فعلا والله ملهاش بديل لأن حبيبته
الأولي طبعا وجد ليها البديل والأحسن ..طبعا احنا ممكن نقول طيب ماهو بس علشان
سابها فبيقول ان ليها بديل والأخيرة دي ملهاش بديل علشان بيحبها ولسه عايش معاها قصه الحب..هنا بيرد علينا أو علة نفسه فعلشان كده
عادها مرتين ومع القسم علشان فعلا ده اللي هو حاسس بيه وعايشه وشايفه فيها مش
ممكن يكون ليها بديل
...........



اصلها بتفر ق من واحده لو احده
فى واحده بتنساها بواحده وواحده ما بتتنسيش



وهنا بقى تأكيد على انه بيقارن بين اتنين وعنده حب قديم وحب جديد بيقارن بينهم وطبعا
المقارنه في صالح حبه الجديد لأنها بتفرق وهناك فرق كبير طبعا لأن في واحده تنساها
بواحده وقصده انه نسى حبيبته القديمة وقدر ينساها بحبه الجديد وواحدة مبتتنسيش اللي
هي حبيبته الجديدة اللي اتأكد انه مستحيل ينسى حبه ليها لأنه بعد اللي شافه من
الاتنين عرف كويس مين اللي حبها يتنسي وتتنسي بحب جديد ومين اللي حبها مستحيل
ييجي بعده أي حب تاني




[ندعوك للتسجيل في المنتدى أو التعريف بنفسك لمعاينة هذا الرابط]





آسف للإطالة وبتمنى مكنش صدعتكم وبعتذر للهضبة ومجدي النجار لو بوظت الأغنية بتحليلها كده

ومعاك يا هضبة بجد كل حاجة بتفرق ربنا يحميك

شكرا ليكم على قرائتكم



[ندعوك للتسجيل في المنتدى أو التعريف بنفسك لمعاينة هذا الرابط]





م

ن

ق

و

ل

_________________
كولو جديد وحصرى مع العشرى الاصلى

[ندعوك للتسجيل في المنتدى أو التعريف بنفسك لمعاينة هذا الرابط]


علشانك يا عمرو
عايشين والله بيك بصوتك .. عشقنا حياتنا دي بوجودك
بتتعب ياما شاغل روحك .. ولو تغيب وياك
الله الله عليك في جمالك .. بتزيد كل يوم في شبابك
يا معلم العشاق بكلامك .. الروح تمللي معاك
عشانك .. يا عمرو احنا نعدٌيلك بلاد وبلاد
عشانك .. بننسى النوم وطول اليوم معاك في معاد
وصوتك .. ده إللي حاسس بينا ..غالي وليك علينا .. تغني واحنا معاك
ميال
العالم الله ومتخافيش راجعين .. كمل كلامك الليلادي يا عين
تمللي معاك ونور العين
وياه
ويا القمر فوق النجوم ماشيين .. دايما في بالنا يا أغلى مـ الغاليين
تعيش لجمهورك سنين
وصوتك .. ده إللي حاسس بينا ..غالي وليك علينا .. تغني واحنا معاك

[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
http://el3as7ry.7abibomri.com
 
أصلها بتفرق وقصة فراق قديمة وحدوتة عشق جديدة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
كولو جديد وحصرى فى منتدانا الاصلى :: قسم الأغاني العربية والأجنبية :: منتدي كلمات الأغاني-
انتقل الى: